Gwamna El-Rufai ya naɗa Sarkin da ya dace – Sanata Uba Sani

0
5543

Sanata Uba Sani mai wakiltar Kaduna ta tsakiya a Majalisar Dattijan Najeriya ya taya sabon Sarkin Zazzau murnar samun Sarautar Zazzau.

Sanatan ya rubuta a shafin na Facebook yana mai cewa “ni ma na shiga sahun mutane masu albarka na masarautar Zazzau da milyoyin ‘yan Najeriya da sauran masoya na duniya domin taya murna ga sabon Sarkin Zazzau da aka nada, Ahmed Nuhu Bamalli.

“Muna godiya ga Allah Madaukakin Sarki da ya sa muka ga wannan rana.

“Zabar sabon Sarkin da ya kasance yake bukatar kyakkyawan dogon bincike mai zurfin gaske don neman wanda ya cancanci maye gurbin mai Martaba Alhaji (Dr.) Shehu Idris, marigayi Sarkin Zazzau.

,”Mai Martaba Nuhu Bamalli ya hau gadon sarauta tare da kakkarfan zuriya; ingantaccen ilimi, wadatattun kwarewar da sanin darajar jama’a. Haka nan kuma kwarewar sa ta diflomasiyya za ta kasance mai sauki ne a gare shi wajen tafiyar da al’amuran masarautar.

Ina yabawa mai girma Gwamnanmu, Malam Nasir El-Rufai da Sarakunan Zazzau da suka ba mu sabon Sarki wanda ya cancanci matsayin sananniyar Masarautarmu wanda bakinmu ba zai isa ya iya gode maku ba.

“Ina kira ga fadawan masarautar ta Zazzau da mutanen mu da su rungumi sabon Sarki su ba shi cikakken goyon baya domin ta hanyar haɗa hannu ne kawai za mu iya ciyar da Masarautar tamu zuwa matsayi mafi tsayin girma.

“Ina rokon Allah Madaukakin Sarki da ya shiryar da kuma kare Mai Martaba Sarki yayin da ya fara mulkinsa wanda ya dauki alka warin Jama’a”.

LEAVE A REPLY

Please enter your comment!
Please enter your name here