Gwamna Zulum ne ya cancanci zama shugaban Najeriya a shekarar 2023 – Sheikh Abdallah Gadon Ƙaya

0
209

Babban malamin addinin musulunci, Dr. Abdallah Usman Gadon-Kaya, ya yi magana game da gwamnan jihar Borno, Babagana Umara Zulum. A wajen wani karatu da Abdallah Usman Gadon-Kaya ya ke yi, ya lissafo alheran gwamnan Borno, ya ce irinsa su ka dace su rike mulkin Najeriya.

Malamin ya ke cewa a wannan marra, babu gwamna da aka yi na kirki irin Farfesa Umara Zulum. Ya ce: “Allah ya saka wa gwamnan Borno da alheri, a cikin gwamnonin Arewa ko na Najeriya wadanda mu ka sani, Allah bai yi wani gwamna irinsa ba a kwanan nan.”

“Alheransa sun bayyana, mutuncinsa ya bayyana, tsoron Allah na sa ya bayyana.” Inji Shehin. Ya ce akwai wani na-kusa da gwamnan da ya shaida masa duk ranar Litinin da Alhamis, sai Zulum ya yi azumin nafila, wanda ya na cikin manyan ibadu nafila.

Bayan haka, Malamin ya ce Farfesa Zulum ya kan sha ruwa ne a kowace Litinin idan ya kai azumi a gaban mahaifyarsa, duk da ya na rike da kujerar gwamna.

Shehin ya tunawa jama’a irin kokarin gwamnan na ganin mutane sun sauke nauyinsu. Ya ce: “Karfe 7:00 za ka gan shi ya fito, ya na bibiyar mutane ko an fito aiki.”

Abdallah Usman Gadon-Kaya ya ce a karkashin mulkin Zulum wanda ya karbi mulki a shekarar 2015, “Mutanen Maiduguri, sun samu saiti.” “A inda ake rikici, kokari ya ke ta yi, ya gina masu gidaje su koma.

A da kuwa duk sun dawo sun cika gari, su na bara.” Ya ce gwamnan ya kan yi wa talakawan rakiya. Malamin ya bada labarin irin kundubalar da gwamnan ya yi kwanaki, ya ce don haka irinsu ake nema su fito takara a Najeriya.

LEAVE A REPLY

Please enter your comment!
Please enter your name here