Matsalar Tsaro: Ƴan bindiga daɗi sun sace sama da mutum 50 a jihar Zamfara

0
219

Wasu rahotan daga jihar Zamfara sun bayyana cewa da safiyar ranar Lahadi ne ƴan bindiga suka afkawa garin Lingyaɗi da ke ƙaramar hukumar Maru ta jihar Zamfara.

Wasu mazauna garin sun ce ƴan bindigar sun yi awon gaba da mutane sama da hamsin.

Gwamnatin jihar ta tabbatar da faruwar lamarin, sai dai ta ce har yanzu ba a san adadin mutanen da aka sace ba.

Kwamishinan tsaro da al’amuran cikin gida na jihar Abubakar Justice Dauran ya shaida wa gidan radiyon Freedom cewa tuni jami’an tsaro suka bi sahun ƴan ta’addar cikin daji.

Talakawan jihar Zamfara dai na ci gaba da fuskantar hare-haren ƴan bindiga.

Koda yake mahukunta na cewar suna iya ƙoƙarin su wajen kawo ƙarshen matsalar.

 

Freedom R adio Nigeria

LEAVE A REPLY

Please enter your comment!
Please enter your name here