Yadda Naburaska ya faɗa komar mahukunta sakamakon karya dokar tsaftar muhalli

0
119

Mustapha Naburaska, daya daga cikin fitattun jaruman dandalin Kannywood, a karshen makon da ya gabata ya fada komar kwamitin tsaftar muhalli da Gwamnatin Kano ta kafa.

Jarumin wanda mazauni ne a Unguwar Tudun Wada ta Karamar Hukumar Nasarawa da ke Birnin Dabo, ya tsinci kansa a gaban kotun tafi-da-gidanka bayan ya keta dokar kwamitin tsaftar muhalli wadda ta hana fita har sai karfe 10.00 na safiya a duk ranar Asabar ta karshen kowane wata.

Naburaska yayin zantawa da manema labarai na Gidan Rediyon Freedom, ya ce rashin sani ya sanya ya fito domin halartar wata jana’iza kuma a yanzu ya fahimci cewa tsaftar muhalli ta kore kowane uzuri.

Kotun ta nemi Jarumin ya biya naira dubu biyar a matsayin tarar keta dokar zama a gida domin tsaftace muhalli inda ya nemi rangwami kuma ta yi masa sassaucin biyan naira dubu uku.

LEAVE A REPLY

Please enter your comment!
Please enter your name here